Uchafbwyntiau Gŵyl Tawe 2023
Pennod 19 – ‘Iarlles y Ffynnon’, nid ‘Owain’
Yn y bennod hon trafodwn yr olaf o’r ‘chwedlau brodorol’ wrth i ni graffu ar saernïaeth gelfydd ‘Iarlles y Ffynnon’. Nodwn y duedd i ddefnyddio enw prif gymeriad gwrywaidd y chwedl hon, ‘Owain’, fel teitl gan fynnu mai’r teitl a geir yn Llyfr Coch Hergest sy’n gywir, ‘Iarlles y Ffynnon’.
Ynghyd â Gwenhwyfar a’r forwyn Luned, mae’r Iarlles yn un o driawd o gymeriadau benywaidd cryf a byw a geir yn y stori hon. Y hi sy’n rheoli yn ei theyrnas, er bod y marchog du yn gwarchod y ffynnon hudolus sy’n fynedfa iddi. Ymysg y pethau sy’n gwneud y darn hwn o lenyddiaeth ganoloeosol mor wych yw’r modd y mae’n cynrychioli ymddiddan a’r ymwneud rhwng cymeriad, pob un â’i bersonoliaeth wahanol. A pham bod Arthur yn cysgu ar ‘deml o frwyn’ (fel eryr yn ei nyth, yn ôl Richard Wyn Jones)?
Gwobr ragorol gan CWT TATWS, Tudweiliog
Cwis i’n darllenwyr
Taleb werth £100 i’w gwario yn Cwt Tatws, lle ceir amrywiaeth eang o ddilladau, esgidiau a nwyddau ar gyfer y cartref, neu i gael aros ym mwthyn gwyliau Cwt Tatws, sef Hen Felin.
www.cwt-tatws.co.uk www.bwthyncymru.co.uk
Yn ôl at ein coed
Pan symudodd fy rhieni a’m chwiorydd i’r Hen Reithordy, Llanarmon, tua chanol y 1970au, mi holodd fy mam un o’r cymdogion pwy oedd yn byw yn y ffarm dros y ffordd. ‘’Dwn ’im’ oedd yr ateb; ‘tydan ni ddim yn g’neud rhyw lawar efo pobol Llŷn!’ A dyma ddysgu eu bod wedi ymgartrefu dafliad carreg […]
‘Y Prif Weinidog, Syr Keir Starmer’
DARLLEN AM DDIM
Mr Phormula – Tir
Fideo Swyddogol i “Tir”. Official music video for “Tir” (Land).
A.W.D.L (Artsit With Dual Language) OUT NOW / ALLAN RWAN!
Bach a Mawr gan Luned Aaron
Cyfrol hardd a hwyliog, llawn amrywiaeth, sy’n gyflwyniad i’r llu o gyferbyniadau sydd ym myd yr anifeiliaid. Anrheg delfrydol i blant bach sy’n dechrau dod i adnabod y byd. Luned Aaron fu’n dweud mwy am y gyfrol a’r broses o’i chreu. Llyfr bach hwyliog ydi Bach a Mawr fydd o gymorth, gobeithio, i gyfoethogi iaith […]
Enillydd Barn y Bobl Golwg360: Sgen i’m Syniad – Snogs, Secs, Sens gan Gwenllian Ellis
Llongyfarchiadau i enillydd gwobr Barn y Bobl Golwg360 – Gwenllian Ellis! Prynwch eich copi o ‘Sgen i’m Syniad – Snogs, Secs, Sens’ yma
GIG KLUST 01
Ail-fyw ein gig cyntaf ni’n y Victoria Dalston yn Llundain ar 22 Ebrill 2023 gyda Sŵnami, Malan, Wrkhouse + Talulah.
Cyfarwyddo, cynhyrchu + golygu / Director, producer + editor: Aled Victor
Ffotograffiaeth / Photography: Huw Morris-Jones
Ariannir y fideo gan / Video funded by: Cronfa Fideos Cerddorol PYST x Lŵp S4C Video Fund
GIG KLUST 02
Ail-fyw ein gig cyntaf ni’n y Victoria Dalston yn Llundain ar 22 Ebrill 2023 gyda Sŵnami, Malan, Wrkhouse + Talulah.
Cyfarwyddo, cynhyrchu + golygu / Director, producer + editor: Aled Victor
Ffotograffiaeth / Photography: Huw Morris-Jones
Ariannir y fideo gan / Video funded by: Cronfa Fideos Cerddorol PYST x Lŵp S4C Video Fund
Pennod 18 – Marchocffordd Peredur
Trafodwn y chwedl ‘Historia Peredur fab Efrog’ yn y bennod hon gan awgrymu’i bod yn disgrifio perthynas Peredur a’i fam mewn modd hynod ddynol a thyner. Mae gwrthgyferbyniad amlwg rhwng bydolwg gwrywaidd treisgar tad Peredur a doethineb ei fam. Ond er i’w fam geisio’i fagu mewn byd benywaidd yn bell o unrhyw sôn am arfau a rhyfel, ac er iddi ddweud wrtho mai ‘angylion’ yw’r marchogion a wêl un diwrnod, mae’r hogyn ifanc yn mynnu dilyn y dynion arfog ar y ‘farchocffordd’ a dysgu bod yn farchog ei hun. Dyma destun canoloesol sy’n cwestiynu’r union ymddygiad ‘macho’ y mae’n ei ddyrchafu.
Pennod 17 – Breuddwyd Rhyfeddol Rhonabwy
Yn y bennod hon, trafodwn chwedl gwbl ryfeddol sy’n llunio fersiwn unigryw o fyd arwrol Arthur er mwyn tynnu sylw at ddiffygion gwleidyddol y byd go iawn. Y Gymru ganoloesol yw’r byd go iawn hwnnw, ac mae ymrafael rhwng tywysog a’i frawd yn bygwth heddwch y deyrnas. Mae’r negesydd Rhonabwy yn ceisio’i orau i helpu ond mae’n syrthio i gysgu – mewn tŷ sy’n ysglyfaethus o fudr! – a thrwy gyfrwng ei freuddwyd mae’n teithio o’r presennol i’r gorffennol Arthuraidd. Mae’n rhaid i’r arweinydd chwedlonol ei hun ddysgu gwersi am ryfel a heddwch hefyd, ac mae’n gwneud hynny wrth chwarae gwyddbwyll. Ond nid ‘chess’ oedd gwyddbwyll i’r Cymry canoloesol, a nid yw’r stori hon yn debyg i unrhyw stori arall chwaith! Cewch atebion i gwestiynau annisgwyl hefyd, fel pam bod y dyn bychan hwnnw o’r presennol, Rhonabwy, yn gwneud i Arthur grio?
Gwawrio gan Tegwen Bruce-Deans
Mewn cyfweliad arbennig i AM, Tegwen Bruce-Deans, fu’n sgwrsio am ei gwaith, y gyfrol a’i dylanwadau. Sonia am y gyfrol. Dechreuodd gnewyllyn Gwawrio fel rhan o aseiniad terfynol modiwl Gweithdy Barddoniaeth pan oeddwn yn y brifysgol ym Mangor. Cyn hynny, er i mi fod yn barddoni’n arbrofol yn weddol gyson dros y blynyddoedd yn fy […]
Sywel Nyw – Deuddeg
Deuddeg mis, deuddeg sengl, deuddeg artist. Dyma gasgliad o ganeuon pop amgen a melys, a phob un o’r traciau yn ganeuon wedi eu hysgrifennu ar y cyd rhwng Sywel Nyw ac artist arall o Gymru. O arloeswyr pop megis Mark Roberts ac Endaf Emlyn i artistiaid newydd ar flaen y gad gerddorol yng Nghymru megis Gwenno Morgan a Lauren Connelly. Mae Deuddeg yn gasgliad eclectig o senglau, a phan yn dod at ei gilydd yn creu albwm grefftus, sy’n crisialu 2021 i Sywel Nyw. O guriadau dawns ffyrnig Amser Parti gyda Dionne Bennett i synau melancolig a hynaws, Bonsai gyda Glyn Rhys-James. O ganeuon mwy breuddwydiol megis Rhwng Dau gyda Casi Wyn i eiriau gonest ac amrwd Lauren Connelly yn 10/10.
Sywel Nyw ydi’r cerddor Lewys Wyn. Yn ôl Lewys, roedd creu caneuon yn y dull yma yn fodd o gyfansoddi a gweithio tu allan i fformiwlâu “undonog” traddodiadol, tra ar yr un pryd yn ei alluogi cyd-weithio ag artistiaid a cherddorion sydd ar ochr arall y sbectrwm cerddorol iddo ef. Mae pob un yn artistiaid sy’n llwyddo i gyflwyno’u dull unigryw eu hunain o ysgrifennu caneuon, a phob un â’i berthynas arbennig â diwylliant Cymru a ffordd unigryw o fynegi eu hunain trwy’r iaith.
Sywel Nyw – Disgo Newydd
Fideo wedi ei gynyrchu gan Lleucu Elisa.
Pennod 16 – Geraint a’i shorts sidan
Trafodwn y chwedl ‘Ystoria Geraint fab Erbin’ yn y bennod hon gan ystyried ei pherthynas â cherdd storïol y bardd Ffrangeg Chrétien de Troyes. A yw’n bosibl mai trosiad o’r testun Ffrangeg yw’r chwedl Gymraeg, mewn gwirionedd? A yw’n iawn cynnwys ‘Geraint’ ymysg y ‘chwedlau brodorol’? Awgrymwn fod awdur Cymraeg wedi cymryd stori Chrétien a’i gwisgo mewn gwisg Gymreig. Wedi’r cwbl, mae toreth o enwau Cymraeg yma, nifer ohonynt â gwreiddiau dwfn iawn yn chwedloniaeth draddodiadol Cymru, gan gynnwys Geraint ei hun. Ceir golwg hynod ddiddorol ar dde-ddwyrain Cymru hefyd, gan gynnwys Caerdyf, sef Caerdydd. A sôn am wisg, mae’r disgrifiad o ddillad Geraint pan mae’n ymddangos gyntaf yn y sori yn wych. Yn ogystal â’r holl farwedd, dewrder, sifalri ac anturiaeth, mae’r chwedl hon yn cynnig trafodaeth feirniadol ynglŷn â’r union fyd Arthuraidd y mae’n ei ddyrchafu.
Gwasg y Mis | Publisher of the Month: Firefly Press
Gwasg y Mis AM fis yma yw Firefly Press, gwasg annibynnol, arobryn ar gyfer plant a phobl ifanc wedi ei leoli yng Nghymru. Mae Firefly Press yn cyhoeddi ffuglen ym mhob genre ar gyfer oedranau 5-19. Maent yn dathlu eu degfed penblwydd eleni.
Ewch i fwynhau cynnwys gan Firefly isod!
Pennod 15 – Roc-an-Rôl a’r Arthur Cymreig-Ewropeaidd
Mae’r bennod hon yn gyfle i ni fyfyrio ynghylch y berthynas rhwng llenyddiaeth Gymraeg a llenyddiaeth gyfandirol wrth i ni drafod y cam nesaf yn natblygiad y chwedloniaeth Arthuraidd. Beth am y chwedlau ‘brodorol’ Cymraeg hynny sy’n dangos dylanwad llenyddiaeth Ffrangeg? Sut mae canfod creadigaethau artistig sydd wedi’u hadeiladu ar sylfeini Cymreig traddodiadol ond sydd hefyd yn ddyledus mewn modd amlwg iawn i ddylanwadau ‘estron’? Awgrymwn fod hanes roc-an-rôl yn cynnig cymhariaeth hylaw. A beth yw’r gwahaniaethau rhwng yr hen fyd Arthuraidd Cymreig a’r llenyddiaeth gyfandirol hon? A yw’r Arthur Cymreig-Ewropeaidd hwn yn nes o lawer at y darlun Hollywoodaidd o’r brenin arwrol?
2023 Applications Now Open
Cyfuniad o bobl ifanc o’r un meddylfryd, 16-25 oed, yn cydweithio i gysylltu pobl ifanc â chyfleoedd yn y diwydiant cerddoriaeth.
INTRODUCING RESONANT 10 – 2023
Mae Resonant yn brosiect sy’n torri tir newydd wrth geisio grymuso pobl ifanc sy’n uniaethu â rhywiau ymylol i weithio y tu ôl i’r llenni yn y diwydiant cerddoriaeth Gymraeg.
PROSIECT NEWYDD – AMLEN
PROSIECT NEWYDD Mae Amlen yn brosiect ymchwil a datblygu newydd a fydd yn canolbwyntio ar y Diwydiant Cerddoriaeth Iaith Gymraeg. Rydym yn chwilio am ddau berson ifanc brwdfrydig* (18-25 oed) sy’n ymwneud â Cherddoriaeth Gymraeg ac sydd am gyfrannu at ei sîn lewyrchus a’i datblygu ymhellach. Mae’r cyfle hwn ar gael diolch i gronfa Atsain […]
BLUE BOOK OF NEBO | ‘Modern classic’ wins Carnegie Medal
Wrth i’r Blue Book of Nebo (addasiad Manon Steffan Ros o’i chlasur ar gyfer pobl ifanc Llyfr Glas Nebo) ennill Medal Yoto Carnegie am Ysgrifennu, 2023, mae’r cyhoeddwr Firefly Press, wrth eu bodd ac yn llongyfarch yr awdur ar ei champ hanesyddol.
Amplify Podcast – Episode 8: Wales vs London
Yn y gyfres fach hon, mae ein gwesteiwr gwadd yn archwilio manteision ac anfanteision gyrfa symud i Lundain dros aros yng Nghymru gydag ystod eang o weithwyr proffesiynol y diwydiant cerddoriaeth yng Nghymru. PENNOD 8 – Cymru vs Llundain Cyfrol 1: Cerddorion Bydd y gwesteiwr gwadd Connor Morgans yn sgwrsio â’r cerddorion Cymreig Izzy Rabey, […]
Lleisiau Lleol – Cyfweliad efo Alys Conran
I lansio prosiect newydd Partneriaeth Ogwen – Lleisiau Lleol – yn Ŵyl Gwenllïan 2023, eisteddodd awdur enwog lleol Alys Conran i lawr am sgwrs efo Meleri Davies i drafod ei dwy nofel a sut mae ei chynefin wedi dylanwadu ar ei gwaith.
Haf o Ddarllen | Summer of Reading
Chwilio am lyfrau newydd i’w darllen dros yr haf?
Mae Haf o Ddarllen, blas o’r llyfrau gwych o Gymru fydd ar gael o’ch siop lyfrau leol yr haf hwn ar gael nawr.
Galwch draw i’ch siop lyfrau leol i dderbyn eich copi yn rhad ac am ddim!
Dewch o hyd i’ch siop lyfrau leol, YMA.
Gillie – Llawn
‘Llawn’ yw sengl ddiweddaraf yr artist arbrofol gyffrous o Sir Gaerfyrddin, Gillie. Ym mis Hydref y llynedd rhyddhaodd ei sengl Gymraeg gyntaf ‘I ti’ ar label Libertino, gan ddechrau pennod newydd a gosod sylfaen gadarn ar gyfer yr hyn oedd i ddod. Yn wir mae’r artist wedi cael blwyddyn go lwyddiannus yn barod gyda un o’i senglau’n cael ei chwarae ar Radio 1 yn ogsytal a ymddangos ar restr chwarae ‘NME New Bangers’. Hi ei hun sy’n ysgrifennu a chynhyrchu ei cherddoriaeth ac yn sgîl hynny dywed ei bod wedi ceisio “sonically explore something that felt both rhythmically uncertain, and free, with builds and small releases of tension throughout.”
Ffocws thematig y gân ‘Llawn’ yw’r rheolaeth sydd gan bobl neu bethau ‘allanol’ ar yr hunan. Ac, o bosib, y rhyddhâd a’r dycnwch a ganfyddir o fewn yr ansicrwydd hwnnw drwy archwilio’r hunan. Gwneir hynny trwy ddefnyddio bwyd fel trosiad, neu arf, i gyfleu’r gormodiaeth a’r syniad hwn o rywun yn bwydo rhywbeth neu rhyw naratif i rywun arall. Mae’n destun hynod sensitif a chymhleth i geisio’i gyfleu ond fe grisielir y neges yn glir yn y fideo sy’n cyd-fynd. Bu’r artist yn cyd-weithio gyda Lŵp i greu’r darn hynod drawiadol, gweledol hwn. Yn ddi-os, mae Gillie yn artist amryddawn, gan mai hi hefyd sy’n actio rhan y ddau gymeriad neu dwy ran o’r un cymeriad efallai. Fel darn mae’n hynod sinematig, gyda stampiau dylanwadol amlwg fel Wes Anderson i weld ar y cyfanwaith. Er i’r cyfan ddelio â themâu ac agweddau meddyliol dwys yr hyn sy’n ffres yw’r ffaith mai ar y rhyddhâd yma mae’r pwyslais mwyaf – y gerddoriaeth, ei rhythmau yn bleth efo’r geriau’n cyrraedd uchafbwynt. Trwy weld y cymeriad yn ymgolli yn y cyfan, cawn sicrwydd nad yw bwyd yn rhywbeth i’w ofni bellach; mae’r cymeriad yn hawlio’r ryddhad unwaith eto, yn perchnogi’r naratif, ac yn ail-gydio yn yr awennau. Felly gadewch i’r rhythmau eich rhyddhau ac i’r geriau a’r gerddoriaeth gael eu llyncu.
Cyfarwyddo/Cynhyrchu – Aled Wyn Jones
DOP/Cyfarwyddo – Andy Pritchard
Cyfarwyddwr Artisig – Andrew Cowie
Is-Gynhyrchydd – Buddug Roberts
Rheolwr Cynhyrchu – Iona Rhys
Pennod 14 – O’r Apocalyps Arthuraidd i Fashion Casualties: Hanes Cryno Cad Gamlan
Pwnc ychydig yn wahanol sydd gennym y tro hwn, un a gododd yn y penodau diwethaf wrth drafod llenyddiaeth Arthuraidd Gymraeg gynnar.
Yn y bennod hon, rydym ni’n olrhain cyfeiriadau llenyddol at gad Gamlan trwy ganrifoedd o lenyddiaeth Gymraeg. Brwydr fawr olaf yr arweinydd enwog oedd cad Gamlan, cyflafan a chwalodd deyrnas ac oes aur Arthur.
Awgrymwn fod traddodiadau’n ymwneud â’r ‘Apocalyps Arthuraidd’ yma yn fodd i strwythuro’r holl stori Arthuraidd fawr, fel y mae myfyrdodau apocalyptaidd yn y Beibl yn fodd i strwythuro meddwl Cristnogol yn gyffredinol. Mae’n wedd ddwys ar y traddodiad llenyddol Cymraeg, felly, ond mae agwedd ddoniol hefyd, fel y cewch glywed.
LIBBY AND THE HIGHLAND HEIST | Author Jo Clarke reads the 1st chapter | Firefly Press
Prynwch ‘Libby and the Highland Heist’ gan Jo Clarke yma
Hazel Hill is Gonna Win This One | BOOK LAUNCH
Prynwch ‘Hazel Hill is Gonna Win This One’ gan Maggie Horne yma
HONESTY AND LIES | Launch interview with author Eloise Williams | Firefly Press
Prynwch ‘Honesty and Lies’ gan Eloise Williams yma
LITTLE HORROR | Have you met Rita yet? | Firefly Press
Prynwch ‘Little Horror’ gan Daniel Peak yma
THE SHADOW ORDER | Introduction to the story & characters by author Rebecca F. John | Firefly Press
Prynwch ‘The Shadow Order’ gan Rebecca F. John yma
FIREBLOOD | Prologue reading with author Sam Stewart | Firefly Press
Prynwch ‘Fireblood’ gan Sam Stewart yma
Ar Adain Cân gan Gareth Thomas
Nofel hanesyddol sy’n stori garu, ac yn llawer mwy. Wedi ei gosod yng nghyfnod yr Ail Ryfel Byd, mae’n dilyn hynt Sian cantores ifanc o gymuned glos y Rhondda a’i pherthynas a George, ddaw o deulu dosbarth canol cefnog yn Llundain. Drwy ddilyn hynt a helynt y cariadon annisgwyl gwelwn newid byd: bomio Cwm-parc, aberth […]
About the Author: Rae Howells
Bardd, newyddiadurwr, academydd a ffermwr lafant o Abertawe yw Rae Howells. Mae hi wedi ennill cystadlaethau barddoniaeth Rhyngwladol Cymru a Rialto Nature and Place. Mae ei gwaith wedi ymddangos mewn ystod eang o gyfnodolion gan gynnwys Magma, The Rialto, Poetry Wales, New Welsh Review, Acumen, Envoi, Poetry Ireland, Black Bough, Marble a The Cardiff Review, yn ogystal ag yn y blodeugerdd Poetry Business, The Result is What You See Today a Blodeugerdd Arachne Press A470. Cyhoeddwyd ei phamffled ‘Bloom and Bones’, a gyd-sgwennwyd gyda Jean James, gan y Hedgehog Poetry Press yn 2021. The language of bees yw ei chasgliad llawn cyntaf.
Pennod 13 – Ennill Olwen
Rydym ni’n gorffen trafod y chwedl ‘Culhwch ac Olwen’ yn y bennod hon, gan ddechrau gyda’r chwech arwr y mae Arthur yn eu dewis i helpu Culhwch gael hyd i ferch Ysbaddaden Pencawr. (Ac felly, ynghyd â’r darpar briodfab ei hun, dyma fersiwn Cymraeg canoloesol o’r ‘Saith Samauri’ neu’r ‘Magnificent Seven’!)
Mae Olwen yn ymddangos o’r diwedd – a chawn ddisgrifiad trawiadol a chofiadwy ohoni – ac wedyn mae’n rhaid i’r saith wynebu’r Pencawr ei hun. Ac mae’n rhaid iddynt gyflawni llwyth o wahanol dasgiau – pob un yn naturiaeth ynddi’i hun – cyn y câi Culhwch briodi Olwen, ac byddai’n rhaid troi at Arthur a’i arwyr am gymorth eto er mwyn eu cyflawni. Ceir yma anturiaethau lu, felly, ond ceir hefyd hiwmor grotésg a myfyrdodau dwys am y berthynas rhwng pobl a byd natur.
Dead Method: The Collection
“AM is a fantastic collection of Welsh culture and creativity. It’s a wonderful timeline of recent cultural highlights and it has been a joy to see it continue to grow as a community-led hub and a go-to for Welsh content.”
Ewch i weld DEWIS Dead Method nawr!
Dead Method – Marwolaeth
Arlunydd/Artist: Dead Method
Cân/Song: Marwolaeth
Cynhyrchwr/Producer: Edward Russell
Animeiddiwr/Animator: Molly Allen
Cyfarwyddwr/Director: Lloyd Best aka Dead Method
Diolch arbennig i Pyst ac Lŵp S4C/Special thanks to Pyst and Lŵp S4C
About the Author: Zoë Skoulding
Mae Zoë Skoulding yn Athro Barddoniaeth ac Ysgrifennu Creadigol ym Mhrifysgol Bangor. Mae ei chasgliadau o farddoniaeth (oll gan Seren Books) yn cynnwys The Mirror Trade (2004); Remains of a Future City (2008), ar restr fer Llyfr y Flwyddyn; The Museum of Disappearing Sounds (2013), ar restr fer Gwobr Ted Hughes am Waith Newydd mewn Barddoniaeth; a Footnotes to Water (2019), a oedd yn Argymhelliad gan Gymdeithas Llyfrau Barddoniaeth ac a enillodd Wobr Barddoniaeth Llyfr y Flwyddyn 2020. Yn 2020 cyhoeddodd hefyd The Celestial Set-Up (Oystercatcher) ac A Revolutionary Calendar (Shearsman). Mae ei gwaith beirniadol yn cynnwys dau fonograff, Contemporary Women’s Poetry and Urban Space: Experimental Cities (Palgrave Macmillan, 2013), a Poetry & Listening: The Noise of Lyric (Gwasg Prifysgol Lerpwl, 2020). Derbyniodd Wobr Cholmondeley gan Gymdeithas yr Awduron yn 2018 am ei chorff o waith barddoniaeth ac mae’n Gymrawd Cymdeithas Ddysgedig Cymru.
As If To Sing – Paul Henry (Seren Books)
Mae pŵer cân i gynnal yr ysbryd dynol yn atseinio trwy As If To Sing. Mae ogof gaeth yn cropian yn ôl trwy ganeuon i’r môr a bydd milwyr Cymreig yn canu eu calonnau ar drothwy brwydr. Gan gymylu ddoe a heddiw, mae ‘cân ffagl’ o gerddoriaeth a golau yn dwysau yn ‘The Boys in […]
Alex Wharton is the next Children’s Laureate Wales
Alex Wharton yw’r Children’s Laureate Wales nesaf
“Crefftwr geiriau” a bardd sy’n“eirioli dros greadigrwydd plant” gyda “rhywbeth i’w ddweud – a pharodrwydd i wrando” yw’r nesaf i ymgymryd â’r rôl arbennig hon.
Nia Morais yw’r Bardd Plant Cymru nesaf!
Bardd sy’n annog plant i “fentro a chwarae gyda’r iaith Gymraeg” ac sydd ag angerdd heintus at “hunaniaeth ac annog eraill i barchu eu hunan-ddelwedd” yw’r nesaf i ymgymryd â’r rôl arbennig hon.
About the Author: Sophie Anderson
Ganed Sophie Anderson yn Abertawe ac mae wastad wedi cael ei hysbrydoli gan straeon ei chyndeidiau Cymreig a Slafaidd. Ar draws ei nofelau poblogaidd The House with Chicken Legs, The Girl Who Speaks Bear, The Castle of Tangled Magic, a The Thief Who Sang Storms, mae Sophie wedi ennill llawer o wobrau, gan gynnwys Gwobr Llyfr y Flwyddyn Siop Lyfrau’r Independent a Gwobr Llyfr y Flwyddyn, ac wedi cyrraedd rhestr fer Medal Carnegie ddwywaith.
About the Author: P.G Bell
Ganed PG Bell yn ne Cymru, lle cafodd ei fagu ar ddiet o fytholeg Groegaidd, straeon ysbryd a Doctor Who. Mae wedi cael pob math o swyddi dros y blynyddoedd, o achubwr bywyd i weithredwr rollercoaster, ond y cyfan yr oedd wir eisiau ei wneud yw ysgrifennu straeon fel bywoliaeth. Ac yn awr mae wedi cyrraedd ei nod! Enwebwyd ei nofel boblogaidd i blant, The Train to Impossible Places, ar gyfer Gwobr Llyfr Plant Waterstones a Gwobr Branford Boaze, a chafodd ei dewis ar gyfer Sialens Ddarllen yr Haf 2019. Mae’n byw yng Nghaerdydd gyda’i wraig Anna a dau o blant.
About the Author: Zillah Bethell
Ganed Zillah Bethell yn Papua Gini Newydd ac mae’n byw ar hyn o bryd yn ne Cymru.
About the Author: Darren Chetty
Ganed Darren Chetty yn Abertawe ac mae’n byw yn Llundain ar hyn o bryd. Mae’n ddarlithydd yng Ngholeg Prifysgol Llundain. Bu’n dysgu mewn ysgolion cynradd am 20 mlynedd. Yn 2022, cyd-olygodd Welsh (Plural): Essays on the Future of Wales (Repeater) a rhifyn arbennig o Wasafiri dan y teitl ‘Reimaging Education’. Mae’n gyfrannwr i’r llyfr poblogaidd, The Good Immigrant (Unbound). Mae Darren yn gyd-awdur What Is Masculinity? Why Does It Matter? And Other Big Questions (Wayland) a How To Disagree: Negotiating Difference in a Divided World (Quarto) a chyd-olygydd Critical Philosophy of Race and Education (Routledge). Mae Darren yn ysgrifennu, gyda Karen Sands O’Connor, colofn reolaidd i Books for Keeps sy’n archwilio cymeriadau o leiafrifoedd hiliol mewn llenyddiaeth plant, o’r enw Beyond the Secret Garden.
About the Author: Nicola Davies
Mae Nicola Davies yn awdur dros 80 o lyfrau i blant a phobl ifanc, gan gynnwys barddoniaeth, llyfrau ffeithiol, llyfrau lluniau a nofelau. Mae ei gwaith wedi cael ei gyhoeddi mewn mwy na 10 iaith ac wedi ennill gwobrau yn y DU, UDA, Ewrop ac Asia. Yn ogystal â llawer o lyfrau am fyd natur, mae Nicola wedi ysgrifennu am anabledd, galar, mudo dynol a hawliau plant. Mae ei llyfrau lluniau The King of the Sky (gyda Laura Carlin) a The Day War Came (gyda Rebecca Cobb) wedi’u cymeradwyo gan Amnest UK; ysgogodd yr olaf ymgyrch ar-lein, ‘3000 o gadeiriau’, i gefnogi plant sy’n ffoaduriaid ar eu pen eu hunain. Mae ei nofel oelodion ifanc diweddar The Song that Sings Us wedi’i henwebu ar gyfer Gwobr Yoto Carnegie ac mae ei chasgliad barddoniaeth Choose Love (gyda Petr Horáček) yn helpu i godi arian i’r elusen ffoaduriaid o’r un enw ac wedi cyrraedd rhestr fer Gwobr Farddoniaeth CliPPA 2023.
About the Author: Claire Fayers
Mae Claire Fayers yn awdur arobryn i blant ac yn hyrwyddwr straeon Cymreig. Cyrhaeddodd ei chyfrol ei hun o straeon tylwyth teg, mythau a chwedlau Cymru restr fer Gwobr Tir na n-Og a’i henwebu am fedal Carnegie. Bydd ei llyfr nesaf, Tapper Watson and the Quest for the Nemo Machine, yn cael ei lansio gan Firefly Press ddiwedd 2023.