Cafodd “Endogenous” ei eni, fel llawer o fy ngwaith, er mwyn i mi allu cyflwyno agweddau ohonof fy hun yn fy ffordd fy hun, i’r byd. Mae’r gosodiad yn cyfeirio at fy iechyd, fy anableddau a thair effaith benodol ar fy hylifau corfforol, ond gen i mae’r pŵer yn y naratif hwn. Lle mae pobl yn aml yn teimlo bod ganddynt hawl i’m hanes meddygol neu ddiagnosis, rwy’n colli asiantaeth yn y stori sy’n cael ei hadrodd amdanaf; ond trwy “Endogenous” rwy’n adennill y pŵer yn fy stori unwaith eto.
Mae’r cerfluniau yn y gwaith hwn yn dangos fy mhrofiad gyda salwch cronig am yr hyn ydyw; ar adegau yn erchyll, ond bellach yn rhan sylfaenol, hardd ohonof fy hun. Mae “Ichor”, “Eruct” ac “Offal” yn ffurfio “Endogenous”, fel portread sidanaidd, gloyw, addurnedig o waed, cyfog ac ysgarthion. Mae’r deunyddiau a ddewisais yn arwain datblygiad y gwaith a’r technegau a ddefnyddir wrth adeiladu, gan gadw fy ymdrechion cynaliadwy wrth ddefnyddio ffabrigau wedi’u hailgylchu neu stoc marw.