Symposiwm Coed / Coexist Symposium

Dydd Sadwrn, Medi 14eg · 10yb – 4yp

Digwyddiad rhad ac am ddim. Rhaglen lawn a chofrestru trwy eventbrite yma

Dathliad o goedwig ac ecosystem drwy amrywiaeth o leisiau

Mae’r artistiaid Junko Mori a John Egan, sy’n byw ac yn gweithio ym Mhen Llŷn yng ngogledd Cymru, wedi cychwyn prosiect tri cham uchelgeisiol o’r enw Coed / Coexist. Mae hanfod y prosiect yn tynnu ein sylw at goed a choetir, gan chwilio am gysylltiadau, dyheadau a dibyniaeth ehangach ar yr ecosystemau hyn wrth gysylltu cymuned, creadigrwydd a stiwardiaeth amgylcheddol. Mae’r prosiect cyfan yn anelu at ddathlu’r ardal leol a’r cymunedau sydd wedi’u lleoli ym Mhen Llŷn.

Gan weithio gydag oriel gelf hynaf Cymru, Plas Glyn-y-Weddw, ar yr arfordir yn Llanbedrog, mae’r artistiaid wedi cychwyn Cam 1 sef cyflwyno symposiwm diwrnod o hyd ar ddydd Sadwrn y 14eg o Fedi 2024.

Mae’r symposiwm yn gweithredu fel catalydd, gan ddod â naratifau diwylliannol, gwyddonol a lleol ynghyd i rannu a dathlu diddordeb a gwybodaeth unigol. Bwriad y digwyddiad yw tanio syniadau ar gyfer y camau sydd i ddod, gan gynnwys dull cydweithredol uchelgeisiol o arddangos gwaith creadigol newydd a chynnwys ymgysylltu â’r cyhoedd a’r gymuned ym Mhlas Glyn-y-Weddw a’r cyffiniau yn 2026.

Gan ddefnyddio coed sydd wedi syrthio neu eu torri yn unig, ar y penrhyn a choed yn y Winllan ym Mhlas Glyn-y-Weddw, bydd Coed / Coexist yn gwahodd cynigion gan bobl greadigol i wneud gwaith newydd i ysbrydoli a rhoi llwyfan i grefftwaith a dyfeisgarwch pobl greadigol a meddylwyr lleol.

Bydd y symposiwm yn cael ei hwyluso gan y cyflwynydd teledu a radio Daloni Metcalfe Owen gyda sgyrsiau a chyfraniadau gan; ysgogwyr prosiect Coed / Coexist a’r artistiaid arweiniol, Junko Mori a John Egan; y ffermwr glaswelltir a thirfeddiannwr, Dafydd Wynne Finch; yr arbenigwr cennau a bryoffytau o elusen Plantlife, David Lamacraft a’r Swyddog Cyswllt Natur, Cassie Crocker; yr artistiaid, David Nash, Manon Awst a Deanne Doddigton Mizen a dylunydd tirwedd, Dan Bristow.