Mae GISDA yn elusen a sefydlwyd ym 1986 sy’n gweithio gyda phobl ifanc ddigartref a bregus yng Ngogledd Orllewin Cymru.
Mae ein clwb ieuenctid LGBTQ + wedi bod yn rhedeg ers 2017, gan adlewyrchu’r angen i roi lle i bobl ifanc sy’n nodi eu hunain fel LGBTQ + fod yn nhw eu hunain ac i gael hwyl. Sefydlwyd y clwb anffurfiol fel man cyfarfod i bobl ifanc LGBT + i deimlo’n gyfforddus ac yn hapus. Mae’n le y gallent gefnogi ei gilydd, mynegi eu hunain yn rhydd, ac uniaethu ag eraill.
Er bod y clwb wedi bodoli ers 3 blynedd, nid oes ganddo ddigon o adnoddau. Fe wnaeth Kiri Pritchard Maclean (Y comedi wraig enwog) ai chydweithwyr ein helpu i godi arian i gyflogi 1aelod o staff am 1 diwrnod yr wythnos drwy gynnal noson gomedi lwyddiannus a
drefnwyd yn Pontio, Bangor y byddwn yn ddiolchgar am byth iddi am hynny. Fe wnaeth hyn ein galluogi i weithio gyda’r bobl ifanc ar gais loteri. Yna roeddem yn ffodus i dderbyn cyllid o Gronfa Gymunedol y Loteri Genedlaethol i gyflogi aelod o staff a fydd yn ein helpu i ddatblygu clybiau mewn ardaloedd eraill fel nad oes rhaid i bobl ifanc deithio 50 milltir i’w clwb agosaf.
Ni allwn or-bwysleisio pwysigrwydd y clwb i’r bobl ifanc o’r gymuned LGBTQ + – mae’n gwneud byd o wahaniaeth i’w hiechyd, hapusrwydd a lles ac yn eu cynorthwyo i ddatblygu i fod yn bobl ifanc hyfryd a hyderus yr ydym yn hynod falch ohonynt.
Pam mae angen cyllid pellach arnom?
Mae’r bobl ifanc wedi nodi lawer gwaith yr hoffent wneud llawer mwy ac rydym yn gofyn am eich help i’n cefnogi i allu ariannu rhai o’r canlynol a restrir isod. Rydyn ni’n gwybod ein bod ni’n gofyn llawer ond rydyn ni’n credu bod pobl ifanc o’r gymuned LGBTQ + yn haeddu’r gorau ac rydyn ni am chwarae ein rhan i sicrhau ein bod ni’n ceisio ein gorau ar eu rhan. Mae’r holl bethau hyn yn costio arian ac mae angen cyllid ychwanegol arnom i allu cyflawni ein nodau a’n breuddwydion.
