Drwy’r cyfnod preswyl hwn, byddaf yn datblygu corff o waith: paper-work, wasp-work, care-work – cyfres o fideos fel darnau digidol wedi’u cydosod ochr yn ochr â pherfformiad digidol byw. Gan ddeillio o archwiliadau o sut gellir metaboleiddio dogfennaeth sefydliadol trwy’r corff, metaffor, deunyddiau a ddarganfuwyd ac yna eu hailsgriptio’n ddigidol, byddaf yn llunio gwrth-archif wedi’i gwreiddio mewn gofal a sylw i fychander – gan ymgysylltu â cholled, newid, lletchwithdod a llanast. Gan ymgorffori nam, aflonyddwch ac anghydlynedd, mae’r gwaith yn ceisio cwestiynu strwythurau dominyddol cadw cofnodion ac adrodd straeon o fewn sefydliadau – gyda gofal arbennig i brofiad system gofal.
Mae fy ymarfer yn canolbwyntio ar brofiad byw a dulliau sy’n seiliedig ar y corff, gan ddefnyddio fideo, arlunio a pherfformiad i archwilio cwestiynau’n ymwneud ag iechyd, lle a dadleoliad, pŵer, a deinameg berthynasol. Mae themâu megis gofal, cysylltiad, tensiwn a throsglwyddiad yn rhedeg drwy gydol fy ngwaith, ochr yn ochr ag ymrwymiad i ddeialog fel modd o newid canfyddiadau, arferion a ffyrdd o fod mewn cymuned. Rwy’n casglu ac yn creu darnau o ddeunydd i adrodd straeon anghydlynus, agos atoch a phersonol sy’n ymgysylltu ag ymchwil gymdeithasol-wleidyddol a chydweithio.