Adar Papur gan / by Gareth Evans Jones

Sut ’dan ni’n downsio o gwmpas y gwir gymaint?

Yn feichiog, yn sengl, ac mewn swydd ddi-ddiolch, mae Sara wedi cael digon. Mae Iwan yn benderfynol o aros ar ben ei hun yn ei fyd bach diogel, ac mae Ruth yn ymgolli yn ei gardd tra bod bywyd yn prysuro’n ei flaen hebddi.

Ond pan mae llwybrau’r tri yn croesi, rhaid i Sara, Iwan a Ruth wynebu’r gwir.

Dyma ddrama newydd, obeithiol gan Gareth Evans Jones am golled, iechyd meddwl bregus a chyfeillgarwch annisgwyl – drama fuddugol cystadleuaeth y Fedal Ddrama yn Eisteddfod Genedlaethol Sir Conwy 2019.

Cynhyrchiad Theatr Genedlaethol Cymru mewn partneriaeth ag Eisteddfod Genedlaethol Cymru gyda chefnogaeth Ystad Lenyddol Gwenlyn Parry

Awdur: Gareth Evans Jones
Cast: Sion Eifion, Mirain Fflur, Judith Humphreys
Cyfarwyddwr: Branwen Davies