Actorion Arad Goch yn dod â llyfrau Tir na n-Og yn fyw

Yn sgil gohirio pob cynhyrchiad theatrig yn ystod cyfnod clo’r coronafeirws, mae actorion Cwmni Theatr Arad Goch wedi troi eu doniau at recordio darlleniadau o’r llyfrau ar restr fer Gwobrau Tir na n-Og 2020.
Gyda phawb yn cyfrannu o’u cartrefi a Jeremy Turner yn cyfarwyddo o bell, mae’r actorion wedi bod yn darllen detholiadau o’r chwe llyfr Cymraeg – tri yn y categori ar gyfer plant oedran cynradd a thri yn y categori uwchradd. Diolch i’r holl awduron a’r cyhoeddwyr am fod mor barod i rannu’r deunydd!
Cyngor Llyfrau Cymru sy’n trefnu’r gwobrau blynyddol a bydd yr enillwyr Cymraeg yn cael eu cyhoeddi ar raglen Heno ar S4C am 6.30yh nos Wener 10 Gorffennaf.