Gŵyl gerddorol newydd ar safle Parc Gwynfryn wrth odre’r Frenni Fawr ym Mro’r Preseli, gogledd Sir Benfro yw Gŵyl Fel ‘na Mai.
Bydd rhai o dalentau mwyaf Cymru gan gynnwys Mei Gwynedd, Dafydd Iwan, Los Blancos a Bwncath yn perfformio, ynghyd â thalentau lleol o gorau i gantorion unigol.
Bydd dau lwyfan; cyfleusterau bwyta yn cynnwys darpariaeth llysieuol a fegan; bar yn cynnig amrywiaeth o ddiodydd; gweithgareddau addas ar gyfer plant a safleoedd parcio.
Mae croeso i bawb – yn unigolion, yn bârau, yn deuluoedd a phartïon o bell ac agos i ymuno yn hwyl yr ŵyl a mwynhau’r croeso a’r holl ddarpariaeth.
