Right Keys Only yw Artist y Mis Celfyddydau Anabledd Cymru ar gyfer mis Ionawr!
Mae Artist y Mis yn nodwedd lle rydyn ni’n tynnu sylw at waith anhygoel un o’n haelodau.
Mae Rightkeysonly yn artist E.D.M. sy’n adnabyddus am ddod â beats arbrofol a baselines trwm i sector cerddoriaeth Cymru.
Artist y Mis ar gyfer mis Ionawr yw Rightkeysonly, artist E.D.M. sy’n adnabyddus am ddod â beats arbrofol a baselines trwm i sector cerddoriaeth Cymru.
Ers ddechrau fel bysgiwr, mae Mae Keys wedi mynd ymlaen i ddod â drwm a bas byw i gerddi Castell Caerdydd, techno-grime i fryniau gwelltog Powys, ac electro-metal i donnau awyr BBC Introducing Wales.
Ond nid oedd gweithio yn y diwydiant cerddoriaeth wastad wedi teimlo fel opsiwn i Keys.
Gyda Erbs Palsy ac ADHD, tyfodd Keys i fyny gan deimlo fel ofn mwyaf pob athro cerdd. Roedd hyn ochr yn ochr â gofalu am ei mam a byw yng nghefn gwlad Cymru, gydag amser ac adnoddau prin i gymryd rhan mewn cerddoriaeth ar unrhyw lefel. Yn wir, nid tan ei bod yn ei 20au, pan gafodd ei derbyn ar brosiect Celfyddydau Anabledd Cymru: Trawsgyweirio, y dechreuodd hi sylweddoli bod angen i’r sector cerddoriaeth addasu i weddu i anghenion pobl Anabl, nid bod rhaid i bobl Anabl addasu i weddu i ofynion y sector cerddoriaeth.
Nawr, gan fod Keys yn un sy’n cyflawni llawer mae hi wedi cyflawni LOT ers hynny.
Felly, dyma ei thri phrif uchafbwynt:
- Sefydlu ‘Amplifying Accessibility’ – prosiect sy’n cefnogi gweithwyr anabl yn y diwydiant cerddoriaeth i deimlo eu bod wedi’u grymuso yn eu gyrfa ac yn annog unigolion nad ydynt yn anabl i gymryd rhan yn hyderus mewn arferion hygyrch.Ariannwyd hwn gan Gyngor Celfyddydau Cymru ac erbyn hyn mae ganddo fwrdd o 7 o weithwyr y diwydiant cerddoriaeth ledled Cymru. Mae Keys hefyd wedi cymryd Amplifying Accessibility i weithio gyda lleoedd fel Sony, Prifysgol BiMM, ac Anthem. Cronfa Gerddoriaeth Cymru.
- Dechrau Doethuriaeth mewn Cerddoriaeth – Eleni, mae Keys yn dechrau ei doethuriaeth, ‘Bridging the Gap’. Bydd yr ymgyrch 6-blynedd yn cynnwys ymchwilio profiadau artistiaid anabl sy’n gweithio yn niwydiant cerddoriaeth Cymru a’r rhwystrau posibl i arallgyfeirio cynrychiolaeth. Ei nod yw dod â phobl anabl a phobl nad ydynt yn anabl at ei gilydd i archwilio’r hyn y mae hygyrchedd mewn cerddoriaeth yn ei olygu mewn gwirionedd i’w gweithwyr a sicrhau bod mwy o bobl ifanc Anabl yn gweld modelau rôl sy’n eu cynrychioli yn y byd – oherwydd mae angen arnom ni i gyd rhywun i ddangos i ni fod ein breuddwydion yn bosibl.
- Rhyddhau cerddoriaeth rîli cŵl (yn amlwg) – Yn 2024, cafodd cerddoriaeth Keys ei chwarae ar BBC Introducing Wales am y tro gyntaf a chafodd hi nodwedd Artist yr Wythnos ar Radio Platfform. Daeth hyn ar ôl rhyddhau ei thrac dawns anymddiheurol o ymosodgar, dRip. Hwn oedd y trac cyntaf wnaeth Keys ei gynhyrchu, ei feistroli a’i ryddhau’n annibynnol, ac archwiliodd sut brofiad oedd tyfu i fyny fel gofalwr ifanc. Roedd y trac hyd yn oed yn cynnwys can Monsters fel un o’i offerynnau arbrofol.
Beth nesaf?
Mae Keys newydd wedi rhyddhau ei hail sengl a fideo cerddoriaeth wedi’i gwneud ei hunain, IDK, gan ddechrau blwyddyn LLAWN o gerddoriaeth newydd annibynnol, gan gynnwys cydweithfeydd techno Cymraeg ac alawon house ôl-apocalyptaidd – ie, mae’n mynd i fod yn wyllt.
Gallwch ddysgu mwy am Rightkeysonly a’i gwaith yma:
Rightkeysonly
Amplifying Accessibility
