Immersed
Mae Immersed wedi ymuno gyda 6 Music i gynnal 3 diwrnod o gerddoriaeth yn ystod yr wythnos ac erbyn i chi ddarllen y neges hon bydd eisioes wedi cychwyn gyda diwrnod o gerddoriaeth yn Tramshed, gan gynnwys perfformiadau gan Mace the Great, Minas, YASMINE & THE EUPHORIA, LEMFRECK a Mari Mathias. Gallwch ddod o hyd i’r lineup cyfan yma ond rydyn ni’n enwedig o gyffrous i fynychu llwyfan Libertino yn Cultvr Lab dydd Iau, lle bydd bandiau fel Breichiau Hir, Silent Forum, Clwb Fuzz, Sybs A MWY yn chwarae. Bachwch docynnau yma.
Clwb Ifor Bach
I fod yn onest, does dim ots os nad ydych chi wedi cael tocynnau ar gyfer digwyddiadau SWYDDOGOL yr ŵyl ar y dydd Sadwrn achos mae Clwb wedi creu lineup sy’n cynnwys rhestr ANFERTH o rai o artistiaid mwyaf cyffrous Cymru. Mae’n ddigwyddiad am ddim ar ddydd Sadwrn 2 Ebrill fydd yn arddangos bandiau fel Ahgeebe, Los Blancos, Mellt, PIgeon Wigs, Melin Melin a Shlug.
Map mawr Minty
Nawr, dyma ddyn sy’n gwybod sut i adeiladu at gyhoeddiad. Ar ôl wythnosau o dwîts cryptig, emojis 👀👀👀, a posts emosiynol IAWN ar hyd gyfryngau cymdeithasol, mae map mawreddog Minty yma O’R DIWEDD, a i fod yn deg, mae’n profi’n ddefnyddiol yn barod.
Mae’r guide yn rhestri holl ddigwyddiadau’r wyl, gan gynnwys gigs mewn llefydd fel Porter’s, The Moon a Steam. Felly ewch draw i gael sbec a gweld beth sy’n dal eich sylw!