Y Pump

Cyfres o bum nofel am bum ffrind gan bump awdur a phum cyd-awdur ifanc sy’n dilyn criw o ffrindiau yn Ysgol Gyfun Llwyd, wrth iddynt ddarganfod y pŵer sydd gan eu harallrwydd pan maen nhw’n dod at ei gilydd fel cymuned. Gyda safbwyntiau unigryw Tim, Tami, Aniq, Robyn a Cat yn ein tywys, down i adnabod realiti cymhleth bod yn berson ifanc ar yr ymylon heddiw. Yn eu tro bydd Y Pump yn dweud eu hanes a rhywfaint o gefndir y teulu a bywyd cartref, gyda’r naratif yn y person cyntaf, a hanesion y pum cymeriad yn gorgyffwrdd yn y pum nofel.