Mae tactileBOSCH yn gymuned celfyddydol uchelgeisiol ac egnïol sydd yn hyrwyddo arbrofi artistig. Wedi selio yng Nghaerdydd, rydym yn arbenigo mewn digwyddiadau sydd yn cyfuno perfformiad celf, arsefydliadau aml-gyfrwng mewn sefydliadau penodol, a lleoliadau cyhoeddus.
Fel prosiect teithiol, mae tactileBOSCH yn chwilio ac yn addasu i ystrad eang o leoliadau a chyd-destunau. Yn adfer adeiladau anarferol ac anghyraeddadwy, rydym yn ymateb i gyseinedd y pensarniaeth, defnydd, cyd-destun a hanes yr adeiladau rydym yn adfywio.
Anelwn i ehangu’r berthynas arferol rhwng artist, curadur, oriel, cynulleidfa a chelf er mwyn bachu’r gynulleidfa gyda phrofiadau annisgwyl, heriol, trawsnewidiol a hwyl! Mae ein digwyddiadau yn atynnu cynulleidfaoedd eang ac amrywiol, ac wedi creu enw da i tactileBOSCH fel un o sefydliadau celfyddydol mwyaf arbrofol a chyffrous Cymru.
Yn ei 19 mlynedd fel cwmni, mae tactileBOSCH wedi cyd-weithio gyda dros 1000 o artistiaid ledled y byd, yn cyfuno artistiaid a churadwyr lleol a rhyngwladol, i gyflwyno ystrad eang ac amrywiol o gelf newydd i gynulleidfaoedd newydd. I ni, mae hi’r un mor bwysig i fagu talent ac y mae hi i’w arddangos, er mwyn meithrin a chefnogi ecoleg celfyddydol Cymru.
Mae ein dull anghonfensiynol o arddangos artistiaid ifanc a newydd ynghyd a rhai mwy profiadol a sefydledig yn helpu i greu system gefnogol – amgylchedd gyfeillgar lle y gall artistiaid ddysgu gan ei gilydd, cyd-weithio, a mentro. Drwy weithio mewn adfeilion a lleoliadau anarferol, rydym yn creu cyd-destun lle y gall artistiaid arbrofi yn rhwydd gyda’u gwaith mewn ffyrdd a fyddai’n amhosib mewn oriel mwy traddodiadol. Mae’r modus operandi yma wedi bod yn elfen hanfodol o lwyddiant tactileBOSCH yn cynnig arddangosfeydd a digwyddiadau aml-gyfrwng cynhyrfus yngh Nghymru ac yn rhyngwladol.
Tra bo arbrofi ac arloesi yn gynhenid i’n ethos fel cwmni, mae hygyrchedd a chynwysoldeb yn hanfodol hefyd. Mae tactileBOSCH yn cynnal hanes o gynyddu perthynas gyda’r cyhoedd, atynnu cynulleidfaoedd newydd drwy greu awyrgylch sydd yn hwylus ac yn groesawgar i bawb.
Mae creu digwyddiadau sydd yn ymdrochol, rhyngweithiol yn galluogi i bobl hawlio’r broses o weld a bhrofi celf. Ein nod yw i greu awyrgylch croesawgar, ac i fagu perthynas gryf gyda cymunedau a busnesau lleol, lle bynnag rydym wedi ein lleoli, ac eu cynnwys yn y broses creadigol.
Mae cynhwysoldeb yn hanfodol i’n mudiad, a rydym yn credu fod cymryd celf allan o’r oriel a mewn i gyd-destunau cymdeithasol amgan yn galluogi i ni gyrraedd mwy o bobl, yn sicrhau fod y celfyddydau ar gael i bobl o bob oed a chefndir, ac i’r rhai a fyddai efallai’n teimlo fod celf yn elitaidd neu’n anghynhwysol. Mae’r niferoedd uchel sydd wedi mynychu ein sioeau ac yr amrywiaeth o fewn ein cynulleidfaoedd yn brawf o’r awch ar gyfer ac y pherthnasedd ein celf.
