Mae hufen iâ da yn un o bleserau syml bywyd, ond nid yw bob amser mor syml i’w wneud. Mae angen amser, thermomedr, a’r peiriant hufen iâ arnoch chi. Mae’r rysáit hon, fodd bynnag, yn hawdd iawn. Ac nid oes angen thermomedr na pheiriant hufen iâ arnoch chi, ac mae ychydig yn gyflymach na’r mwyafrif o ryseitiau. Yn bennaf oll, mae’n anhygoel o flasus.
Cynhwysion
500g Ricotta
400g Hufen Ddwbl
400g Mafon (wedi’u rhewi)
190g Siwgr Caster
Sudd o ½ Lemon
Cam 1
Mudferwch eich mafon mewn sosban gyda’r sudd o’r Lemon. Unwaith ma’e mafon wedi torri lawr, ychwanegwch 90g o’r siwgr a parhawch i gwcio ar dymheredd canolig am tua 10 munud, gan droi yn achlysurol.
Ceisiwch wneud hwn o flaen llaw, gan y bydd angen i chi adael y mafon oeri yn yr oergell am tua 2 awr.
Cam 2
Mewn prosesydd bwyd, blitsiwch y caws ricotta gyda’r 100g o siwgr sydd ar ol nes i chi ei gael hi’n sidanaidd a sgleiniog.
Cam 3
Mewn bowlen cymysgu mawr, wisgiwch y hufen ddwbl nes i chi gael yr hufen yn drwchus gyda copaon meddal (byddwch yn ofalus i beidio â gor-wisgioi).
Yna, gyda sbatwla, dechreuwch blygu fewn eich ricotta yn araf, gan sicrhau bod y cyfan yn cymysgu’n neis.
Cam 4
Yna, mae’n amser i chi greu eich ripple. Efo llwy bren neu llwy fawr, disgynnwch dollops mawr o’r compote mafon fewn i’r cymysgedd. Llwy dolenni mawr o’ch compote mafon i’r gymysgedd. Yna plygwch yr hufen yn ysgafn gyda’r compote – ddim gormod, chi dal eisiau bach o farblo yn y cymysgedd. Daliwch i blygu nes bod y’r holl mafon i fewn.
Cam 5
Trosglwyddwch i gynhwysydd y gellir ei selio, yna gyda sgiwer, chwyrlïwch trwy’ch cymysgedd mewn patrwm cylchredeg i barhau’r effiath ripple.
Cam 6
Storiwch yn eich rhewgell am tua 5 awr cyn ei syrfio.
Tip: Os ydych chi’n ei wneud ddyddiau ymlaen llaw, neu os oes gennych chi rwyfaint dros ben i’w fwynhau ar adeg arall, gwnewch yn siŵr eich bod chi’n ei dynnu allan 30-45 munud cyn ei syrfio fel y gall ddadmer ychydig. Gan fod ei gysondeb yn un trwchus mae’n cymryd dipyn i ddadmer.