Triggered by the Welsh Women’s Peace Petition, Byw Mewn Heddwch (Live in Peace) encourages arts action in the exploration of peace. In collaboration with Academi Heddwch Cymru and Heddwch Nain/Mam-gu, multi-media sessions will be held for Meirionnydd’s voiceless communities (GISDA young people and women in the area). ‘Peace’ is explored in its broadest sense – from the personal to the international to creating a ‘peace community’ on our doorstep.
Here is a short blog and an overview of the project so far (Blog is in Welsh only):
BYW MEWN HEDDWCH – Llinos Griffin
Nod ‘Byw mewn Heddwch’ ydi dod â merched ardal Meirionnydd ynghyd i drafod beth ydi ystyr heddwch i ni heddiw trwy gyfrwng y Gymraeg ac ymateb i’r sgyrsiau hyn yn greadigol. Mae’n barhad i’r gwaith o ddathlu Deiseb Heddwch Menywod Cymru 1923-24. Dan ni hefyd yn gweithio’n fisol efo pobl ifanc GISDA ym Mlaenau Ffestiniog ar yr un thema.
Bellach, mae grwpiau yn cyfarfod yn gyson yn ardal Penrhyndeudraeth a Dolgellau. Roedd grwp ysgrifennu creadigol yn cyfarfod yn Llan Ffestiniog hefyd dros yr Hydref. Mae cangen newydd yn canolbwyntio ar wnio ar fin cychwyn yn ardal y Bala.
Hyd yn hyn, mae’r prosiect wedi bod yn ddifyr iawn wrth i ni drafod pynciau fel pa mor heddychlon ydi Meironnydd mewn gwirionedd, beth fasen ni’n fodlon ei aberthu am heddwch, cymryd ennyd i feddwl am y bobl sydd ddim yn byw’n rhydd o gwmpas y byd a thalu teyrnged i ferched y Ddeiseb Heddwch.
Arweinwyr sesiynau Byw Mewn Heddwch dros y misoedd diwethaf: Mair Tomos Ifans, Sian Northey, Fiorella Wyn, Gudrun Jones, Margiad Jones
Rydym yn gweithio tuag at greu Ystafell Heddwch fel dathliad o’r prosiect.
